1 - مزبوط كل شي ولا تنتقدها بثيابها او مكياجها لأنوا بتفقد الثقة بحالها وما بتصدق إيمت ترجع على البيت مشان تغير وبهالحالة بتخصر المشوار لأنوا بكون همها الوحيد انوا ترجع على البيت
2 – أنا برأيي انو اللي بتحجج بالشغل بكون عم يتهرب لأنوا ما في شغل بياخد اليوم كلو وإلا ما يكون في فرصة ولو ساعة باليوم على شان تحس انوا انت بجنبها على تول
3 – عنجد اقسى شي بمر فيو الإنسان وبيحطمه هو الخيانة
4 – انا بعتقادي اديش ما كان الشخص بارع بتزييفو رح يغلط ورح يبين عليه بس الواحد ما يخلي عواطفه تتحكم فيه وينظر بعقلانية قبل الإرتباط بأي شخص بغض النظر عن كونوا شب أو بنت بس للاسف هالشي صار موضة بالنسبة للشباب وما عاد تفرق بين المنيح والقبيح
5 – طبعا ما في أحلا من الصراحة يعني من أول العلاقة إذا في شي ما عجبك فيه أو فيها لازم تقولوا وتفهموا بعض لأنوا التغيير المفاجىء مشكلة
6 – هلء بالنسبة للسيطرة هاد موضوع تاني ما منحسن نناقش فيه لأنوا هون بتدخل العادات والتقاليد بالموضوع يعني كل واحد حسب مو متربي ببيت أهلو رح يتصرف
7 – هي المشكلة هي من أكبر واهم المشاكل اللي بتمر فيها العلاقة وكل واحد بيتعرض لأنوا يكون عندوا أصدقاء مو منيحين بس الحل مو انوا نتركون انا برأيي أنوا الحل انك تكون أو تكوني أفضل منهم على شان يقتنع الطرف الثاني بأنك على صواب ورح يشوف الفرق اما بالنسبة للأهل فهاد الشي غير قابل للنقاش ابدا لأنك إذا بتحب الشخص لازم تحب مجتمعوا الأسروي يعني بدون استثناء
8 – انا برأيي انوا التهرب يعني شي واحد (( نهاية العلاقة )) وعلى عكس البعض اللي بشوف انوا البعد بخلي الطرف التاني يركض وراه بس بدي اذكره بمتل أنوا ( البعيد عن العين بعيد عن القلب ) اديش ما كانوا مقربين من بعض
9 – افضل لحظات العمر هي اللحظات اللي منقضيها مع الأصدقاء بس...
كمان اروع واحلى اللحظات هي اللحظات اللي منقضيها مع الحبيب انا بستغرب كيف عالم بيتصرفوا هيك مع انوا نحنا منسرق الثانية على شان نكون جنب اللي منحبوا ولو اقل شي نظرة من بعيد
بتمنى أنو اكون شرحت شيء بسيط من وجهة نظري وما كون تقلت دم
وبتشكرك ندى على الموضوع الحلو والمفيد
وبتمنى تستمري بإبداعاتك
Thanks