هل تسقط الفتاة في نظر الشاب؟؟؟؟ اذا اعترفت بحبها؟؟؟؟؟

حبيت اطرح موضوع يمكن يكون شاغل معظم الشباب والشابات واتمنى اني اعرف رايكم بالموضوع هذا.
اذا صار لاي شاب وكل واحد يحط نفسه بالموقف هذا... افرض انه اعترفت بنت بحبها لك شو يكون نظرتك لها؟؟؟؟؟ يعني تعتبرها سلعة رخيصة او تكبر بنظرك؟؟؟؟؟؟؟؟
واذا كان الشاب ليس لديه الجراة بالاعتراف فهل يسمح للفتاة اذا كان لديها الجراة انت تفصح عن حبها؟؟؟؟؟.....................هو سؤال لكل فتاة او شاب واتمنى اعرف راي كل واحد بالموضوع هذا

اولا يوغي مشكور ع هالموضوع الجميل

انا من وجهة نظري بعتبر انو اذا كان الشب او البنت بيحملو اي مشاعر اتجاه انسان تاني واعترفو بحبون هادا شي ما بينقص من قيمتون او بيقلل احترامون بالعكس ممكن الطرف الاخر يعجب بالجراة الموجودة لدى الشخص التاني ويمكن يتقبل الموضوع ويكون مستني منو او يبادر فيو وانا مابيسقط من عيني الشب اذا اعترف بحبو للبنت ومن نظري انو البنت كمان لازم ما تسقط من عين الشب اذا بادرت في حبها الو لانو الحب مجرد مشاعر واحاسيس ما بيقدر يسيطر عليها الانسان وما بتكون بارادتو
بس الملاحظ عنا انو الشباب هنن اللي ببادرو دائما والسبب واضح كتير انو البنت من طبعها خجولة وممكن ما تتحمل فكرة انو هي تبادر وخاصة اذا كان الطرف التاني ما بيبادلها الشعور نفسو

مشكور يوغي ع هالموضوع الجميل تقبل مروري وان شاء الله يكون راي صحيح ...

شكراً يوغي على هالفكرة اللي طرحتها بس انا حابب أعلق على شغلة وحدة بس
أنو نحنا عايشين بمجتمع عربي وأديش ما كنا نحنا متحررين لازم نراعي هاد المجتمع
هلء أولاً بالنسبة للشب أو البنت شي أكيد مارح ينقص منن شي بس كل واحد حسب التربية اللي تربا عليها في بيت أهله بيتصرف وما كل الناس بتشبه بعضا مشان هيك ما منحسن نعمم الفكرة على الكل
وتانياً بالنسبة للشب معروف عنوا أنوا هو اللي لازم يبادر حتى لو كانت البنت بتكنلوا مشاعر لأنوا بإعتقاد البنت أنوا إذا هي بادرت رح تنزل من عينوا أو مو رح تنزل من عينوا رح تتغير وجهة نظروا فيا .... هيك بإعتقادها بس إن جيت للحقيقة هو أمر كتييير عادي إن كان بالنسبة للشب أو للبنت أنوا يعبروا عن أحاسيسهم بس صدقني مجتمعنا ما بيرحم يعني أي شي بيشوفوا عن البنت ولو صغير بيعتبروها يا لطيف بس الشب بيقولوا له معليش روح شو بدك ساوي أو بالأحرى مو هيك بيقولوا بس شو ما ساوى الشب ما بكون في محاسب عليه بس بفيد بهالنقطة بالذات أنه كل واحد يبدي وجهة نظروا بالموضوع لا أكتر ولا أقل ....
معليش بعرف أني زودتها شوي بالحكي بس فيك تعتبرها
(( فشة خلق )) وبالمختصر المفيد أنا ما بلاقي أية مشكلة بخصوص إعتراف البنت للشب أو الشب للبنت لأنوا أي تنين بحبو بعضن أولاً ما بهمن حكي العالم
وتانيا كيف بحبها وبتنزل من عينوا...؟؟؟؟

مشكور يوغي
Thanks

اولا شكرا الك يارا وSuffering على مروركون الحلو
انا بوفقك انسة يارا على رئيك بس انا برأي كمان انو ايام الشب بيخاف انو ماتتأذى مشاعرو عند ما بيقول للبنت انو بيحبها والبنت ببرودة أعصاب تقله .............

يمكن لزم يكون الشب يكون عندو الجرأة بس من كتر ما أكلو الشباب شلووووووووط عاطفي صار ما عاد يحسنو يعترفووووووو بمشاعون ..............
شكرا الكون

» من اسعد الفتاة ام الشب؟؟؟
» عندما تقول الفتاة...
» احزروا من هي الفتاة التي وقع الكل في حبها؟؟؟؟