اجمل ما يكتب على التكاسي؟؟؟؟

بسم الله الرحمن الرحيم

أجمل ما انكتب على التكاااسي في سوريا‎

- لا تشوفني عم اتدرج ... دوبلني واتفرج !!!

- ميلي على ميالك ابو عبدو خيالك

- عشقت السفر من ظلم البشر

- بحبك جكر بالناس

- لا تلحقني مخطوبة

- لولا المصالح ما حدا صالح

- ما طار طير وارتفع إلا كما طار وقع

- مكتوب على المرايا مخصص للصبايا

- بس للحلوين

- لاتسرع يا بابا نحن بانتظارك

- دلوعة أبو حبيب

- يا رضا الله ورضا الوالدين

- يصطفلوا !!

- عين الحسود فيها عود

- سارحة والرب راعيها

- يا ناظري نظرة حسد شكيتك لواحد أحد

- انا السوزوكي بغني و اسألوا الكيا عني

- ذكرى دمعه على صلعة

- مر و عدي و بلا تحدي

- الرصاصة التي لفت الكوع

- عاشق النبي يصلي عليه

- ياجبل مايهزك ريح

- يلي يهوانا يصبر على بلوانا

أما الأثار الموجودة جوا :

عناقيد عنب بلاستيك

مسبحة زرئة أو حمرة

قلب بيطفي و بيشعل مكتوب عليه I love you

قطعة فخار (مكسورة) مكتوب عليها الله .. محمد

علبة محارم من الصدف أو الخرز الأزرء

فيتيس محطوط عليه جراااس زغيري كل ما يغير برنو

كاسة فاضية مدبئة علقان فيها الشاي بدو أسيد حتى يروحا ..

فردة بوط و لد صغير (مشان العين )

أما و الشيئ الأكثر أهمية فهو :

كلب صغير (كان) كان لونو أبيض هلأ صار يا رمادي يا أسود (من النضافة) بهز راسو بطريئة أستفزازية

والزلمة ما بحب يحس حالو بغربة :

صورتو أدام السيارة

صورة بنتو الصغيرة

صورة مع الأصدقاء أو العائلة بين الحشيشات و الخضار مكتوب تحتها ذكرى يوم الجمعة أنا و العائلة الكريمة

دمتم بخير وعااافيه ..........

شكرا الك يوغي ع مرورك اللطيف..

مشكور سفيرنك...

» اجمل لحظات العمر
» اجمل دعاء رايته!!
» اجمل لحظات عمرك...
» اجمل الدموع فعل للدموع جمال......