آسفة مافيني احكي معك برايفت

بالرومات الصوتية في ظاهرة منتشرة كتير واغلبنا عاشها وشافها وحتى مارسها ورح اطلق عليها ظاهرة
الاب الروحي
منرجع لعنوان الموضوع : اسفة مافيني احكي معك برايفت
ليش ؟؟؟
فلان ما سمحلي
ما سمحلك ؟؟؟؟؟ بصفتو شو
انتشرت غرف المحادثة الصوتية هالانتشار الواسع وفي ناس وصلت لمرحلة انو صارت تعيش حياتا من خلال الروم .. النت مفتوح 24 ساعة وادمان مو طبيعي وكل واحد دخل بادق ادق تفاصيل حياة الي بيعرفهن عن قرب بالروم
صرنا نعرف ايمتا بياكلو وايمتا بيشربو وايمتا بينامو وكم لتر مازوت حطو بالصوبيا اليوم وبقديش كيلو الموز بفلسطين ومصر والكويت
الي بيدخلو الرومات من مختلف الاعمار وانتشار ظاهرة الاب الروحي منشوفو بالرومات العائلية اكتر شي يعني بالرومات يلي كل العالم فيها بتعرف بعض والجديد بدو فترة ليصير من بين الكل بس شو بيصير جوا ؟؟
بيكون بالروم شخص او مجموعة اشخاص كبار بالعمر او بالقدر والقيمة بيتحولو لاباء روحيين للبنات
عمو نصيحة هاد بتحكي معو منيح وهاد لا تحكي معو مو منيح
شكرا عمو لانك بتوئف جنبي ومالي غيرك
بعد فترة ......
.
عمو ممنوع تحكي مع هاد لانو مو منيح
امرك عمو انت الي بتعرف وانت الي بتفهم
شووووووووو عم تعمل اشارة الكام جنب اسمك وجه معصب )؟؟؟؟
عمو رفيئتي بدا تشوفني
مين سمحلك تفتحي كام استرجي عيديها
خلس عمو الله يوفئك لا تزعل مني بامرك انا
يلا عالنوم تاخرتي بالسهرة
بس ماني نعسانة
مو عا كيفك انا عم قلك تاخرتي بالسهرة
خلس خلس امرك عمو
مين هاد الي عم يكتبلك عالعام اشتقتللك ؟؟؟؟؟؟؟
والله ما بعرفو وربي اول مرة بشوفو
كززززززززززززابة
وحيااااااااااااة ربي اول مرة بشوفو
بتمضى ايام وبتروح ايام
فلان اشتئئئئئئئئئئئتللك
يه اختفت كلمة عمو
وانا اشتقتللك شو صار معك ما صلحتي الكاميرا لسا ؟؟؟
انا بحبك بس ماعاد فيني اتحمل خبيها اكتر
وانا بحبك من زمان بس كنت خايف احكي

بيكون رقمها 12 او 13 او 15 احيانا 50
الموضوع بيتضمن انو تنسخلو كل البرايفت وتعطيه باسورد مسنجرها وما ترد عا اي حدا قبل ما تاخد اذنو
ظاهرة حب السيطرة وخصوصا عالبنات الجدد والصغار بالعمر بالرومات كل مالها عم تكبر وتكبر
مين سمح لهالناس انو تتملك عقول وخيارات وممارسات هالصغار والجدد تحت عنوان بخاف عليكي وما بدي ياكي تضيعي وللاسف بتكون النتيجة انو بتضيع معو يا بتضيع بسببو